Drake leh Kendrick Lamar te inkara inbeihna chuan zual lam pan zelin, Drake-a’n a beihletna, ‘The Heart, Part 6’ hla thar ber chuan YouTube-ah 1 million dislike a hlawhchhuak.
Kumin March atang khan Lamar hian ‘We Don’t Trust You’ hla hmangin Canadian rapper hi a bei nasa mai a, hemi hnu hian hla thu hmangin zahpah nei miah lovin an inbei chho zak zak.
Drake hian May 5 khan hla thar ber, ‘The Heart, Part 6’ chu YouTube-ah dahchhuakin, Lamar-a puhna hrang hrang a hnawlna a awm a, a rukin fanu a neih lohzia te, mi hur herh a nih loh thu te thlengin a chhanglet.