EPL-ah champion beiseina nei chau tawh tak Arsenal chuan nipui bazar inhawn hunah inthuahthawl viau an tum a, an player pasarih ngawt hralh an tum. Gunners in hralh an tum zingah Aaron Ramsdale, Eddie Nketiah leh Emile Smith Rowe te an langsar.
London club lian Arsenal hian nipui bazar inhawn hunah England international patum; Aaron Ramsdale, Eddie Nketiah leh Emile Smith Rowe te hralh an tum a. An ni pathum bakah hian Kieran Tierney, Nuno Tavares, Albert Sambi Lokonga leh Reiss Nelson te hralh an tum bawk.
England si nghak Ramsdale hi EPL club Newcastle United in lak tumin an ngaihven a. Chelsea pawhin lak tumin an ngaihven ve bawk niin tarlan a ni a, Sheffield United leh AFC Bournemouth si nghak hlui Ramsdale maha hian Gunners hian £24m zet an hlep thei dawn niin tarlan a ni. Nketiah, Smith Rowe leh Nelsonas te pawh hian EPL club atangin ngaihventu an nei ve bawk.
Player pasarih ngawt hralh an tum lai hian right-back Cedric Soares, Midfielder Mohamed Elneny leh goalkeeper Arthur Okonkwo te pawhin contract hmang zo vin Arsenal an chhuahsan ve dawn bawk. Chhuak tur hming langsar tak tak an awm lai hian chhuak tur anga sawi rik midfielder Thomas Partey leh Gabriel Jesus te erawh chu Arsenal-ah an cham chhunzawm dawn niin tarlan a ni ve thung.