Milar hming hawh a, an hriatpui loh leh phalna awm lova sumdawnna kalpui thin hian nghawng tha lo a thlen thin vangin Jackie Shroff chuan Delhi High Court-ah a zualko ta.
Bollywood hranghlui milar hian sumdawna thil thahnem takah a hming hman niin, a hriatpuina leh phalna aw hawt lova sum siam nana an hman chungchangah a lungawilohna a thlen.
Hetah hian bungraw fakna hrang hrang a awm a, rington leh wallpaper chengin hman a ni a, Memes, GIFs leh AI lamah ate pawh uar taka hman a ni.
Jackie hian a bik takin, ‘Bhidu’ tih hman a ni thin chu a thinrimna belhchhan zualtu a ni a, Marathi slang lar tak ni zui ta, ‘Bhidu’ hi dik lo taka sumdawng leh i pamhamte’n tunlai hian an hmang nasa hle.
Fan te zingah ngei ngei pawh Jackie Shroff-a hmel leh tawngkam hman thin te an hmuh fo takah chuan amah dik tak emaw tiin an lo phurpui hluai thin bawk si a, tul loa buaina leh lungawilohna bakah Jackie tan ngei pawhin hmingchhiatna thleng thei reng a ni.