Manchester United chuan England striker Ollie Watkins chu Aston Villa atangin lak an duh. (Talksport)
Arsenal chuan £60m sengin RB Leipz leh Slovenia forward kum 20 mi Benjamin Sesko lak an rilruk. (Telegraph – subscription required)
Liverpool forward Mohamed Salah leh Brazil goalkeeper Alisson Becker te chu Saudi Pro League in nipui bazar inhawn huna lak an tum langsar zual zingah an tel. (Guardian)
Old Trafford ah Erik ten Hag a cham chhunzawm leh a chhuah theihna chance chu 50-50 a ni mek a. May 25 a FA Cup final zawh hunah United hian Ten Hag chungchangah thutlukna siam an tum. (Guardian)
Manchester United managthar ni tura rinkai zual zinga tel Thomas Tuchel chu Bayern Munich in an hnena cham chhunzawm turin an dawr leh si. Tuchel hian season tawp ruala Bayern a chhuahsan tur thu a lo puang tawh a. Club thuneitute bakah an player langsar tak tak ten a thutlukna siam tawh sut a, cham chhunzawm turin an duh hlawm. (Times – subscription required)
Paris St-Germain chuan kum 26 mi Crystal Palace striker Jean-Philippe Mateta lak an rilruk. (Sun)
Chelsea chu kar liam taah Palmeiras winger Willian Estevao nen inremna an neih hnuin Palmeiras dawr thar leh turin an inbuatsaih. (Fabrizio Romano)
Champions League khel turin tling bawk mahse Aston Villa chuan Premier League a sum leh pai inkhuahkhirhna dan an bawhchhiat loh nan an player langsar pakhat tal an chhuahtir a ngai dawn. (Sun)
Chelsea, Manchester United leh Tottenham boss hlui Jose Mourinho chu Saudi Arabian club Al-Qadsiah in lak an tum. (Mail)
Real Madrid in champions league final an lut chu Chelsea in an hlawkpui thei dawn a, Real Madrid hian Eden Hazard manah £5m an pek belh leh thei dawn. Thla sarih liam ta khan Hazard hian football chawlhsan tawh mah se Chelsea leh Real Madrid ten Hazard chungchanga inremna an neih erawh chu a la danglam lo thung. (Telegraph – subscription required)
Manchester United chuan kum 21 mi English defender Jarrad Branthwaite leh Belgian midfielder Amadou Onana chu Everton atanga lak tumin an ngaihven. (Manchester Evening News)
Scotland striker Che Adams leh Wolves te chu free transfer a inlak luh tumin an indawr. Adams hian season tawp rualin Southampton-a a contract a hmang zo dawn. (Football Transfers)
AC Milan leh Sevilla te chuan kum 21 mi Wolves forward Fabio Silva lak tumin an ngaihven. (Caught Offside)
Borussia Dortmund chuan Sunderland leh England Under-19 midfielder Jobe Bellingham lak tumin an ngaihven. (Football Insider)