Nimin khan Mizoram Rural Bank Officers Association ten General body meeting neiin, kum 2024-2026 a an hruaitu turte thlanna hun an nei bawk, he meeting hi C.Lalmuanthanga President MRBOA in kai hruaiin MRB Chairman Sheryl L. Vanchhong, MRB General Manager C.Lallawmzuala Colney leh General Manager Saibal Kanti Roy ten an hman pui, MRBOA General body meetingah hian infuihtharna hun te hmangin mipuite tana hei aia chhawr tangkai theih tura in chhawpchhuak turin an infuih a. He meetingah hian service laia boraltate sunna hun an hmang bawk.
Meeting-ah hian MRB Chairman chuan Officer kal khawmte hi Mizoram tana an service a hlutzia a sawi a, Mizoram tana thil engemaw ti thei ve tura MRB officer a thawk theia kan awm chu a lawmawm zia hre turin leh thahnemngai taka Bank tan leh Mizoram mipuite tana thawk turin a fuih. Tunah hian Mizoram Rural Bank ah hian officer 274 leh staff 340 awmin, Mizoram Rural Bank hian tun dinhmunah Mizoram chhung hmun hrang hrangah Branch 104 a nei meka 105 na turin tunah Luangmual Branch hawn mai theiha buatsaih mek a ni bawk.