Ni 23rd May (Ninganni), Chawhnu Dar 2:00 khan I&PR Auditorium ah ‘Fianrial thlifim (Philosophy leh Theology Bu Sen)’ tih lehkhabu, Lalthlanawma ziah chu Lalhruaitluanga Chawngte in a tlangzarh.
He lehkhabu review tu F. Vanlalrochana chuan,”Lalthlanawma hian Philosophy leh Theology chaiin, lehkhabu ṭha deuh mai a ziak a. Philosophy huang zawk ngat phei chu Mizo ṭawngin sawi fiah vek a tumin, a bei a. Hriat thiam awlsam thei ang ber turin a ziak a. Mipui nawlpui tana ṭangkai pha tur a ni. Hetianga ziah hi kan la hmu ngai lo. Philosophy lama mit menna atana lehkhabu ṭangkai a tling ang” tiin a sawi.
He lehkhabu ziaktu Lalthlanawma hian Master of Arts(Philosophy) University of Hyderabad-ah zovin tunah hian Mizoram University hnuaia Philosophy department ah Research Scholar niin tunah hian Ramhlun South, Aizawl ah an chhungkuain an cheng mek a ni.