Europe-a football thuneitu sang ber UEFA chuan nilai ni khan Dublin-ah Executive Committee an nei a, he meeting hian Champions League 2026 final khelhna atan Hungary National team Stadium Puskas Arena an thlang fel
2026-a Champions League final khelhna tur Puskas Arena-ah hian mipui 67,215 an leng a, inelna lian pawh a lo thleng nual tawh. He hmunah hian Euro 2020 match thenkhat khelh a ni a. 2022-23 season Europa League final a AS Roma leh Sevilla te inkhel kha a thleng tawh bawk. Champions League 2026 final khelhna tur puan chian a nih lai hian 2027-a final khelhna tur eawh UEFA in Italian Federation hnen atanga San Siro an tuaihnum dan tur report an la dawn chian loh vangin thutlukna an la siam thei lo thung.
Nilaini a UEFA meeting hian 2026 Women’s Champions League final khelhna atan Norway a khelmual ropui Ullevaal Stadion an thlang a. Europa League 2026 leh Europa Conference League 2027 final khelhna atan Istanbul khawpui a Besiktas Park an thlang fel bawk. Germany a Stadion Frankfurt in 2027 Europa League final a thleng ang a. Hetihlai hian RB Leipzig Arena in 2026 Europa Conference League final a thleng ve thung ang.