Florida-a Sean Kingston chenna In chu police-in luhchilh in, TV lian tak leina man ba pe thei lova puhna an bawhzui.
Zaithiam lar tak ni thin, a hming tak Kisean Anderson inches 232 zeta lian Colossal TV leh sound system changkang tak tak bat ral tuma puh niin, company lam hi a lakah an lungawi lo hle.
Company sawi danin, Sean hian September 2023 khan TV leh sound system te hi leiin, a aiawha ni tarlan, lemchang ni bawk si te a tirh thin bakah Justin Bieber nen promotional video an siam tum thu te a hrilh nia hriat a ni.
Heng TV leh sound system te hi a chenna In a vuah fel sak vek a nih hnu-a pawisa la bang pek tur awm te chu a pe lo zui char char mai a, kumin February khan hriattir nawn leh a ni chungin Sean hi ba a ngaihsak lo zui a, contract palzutna leh dik lo taka inbumna thubuai siamsakin, nimin piah khan Police-in a chenna In an dap ta a ni.