Vawi khat mai ni lo, vawi hnih a thlen hnu pawha security guard te chetdan fuhlo tak a awm zel vangin Cannes Film Festival-a sawiselna nasa ber zingami ni turin K-pop idol YoonA chu mawi lo taka chhawnchhaih a ni leh ta.
Social media-a thlalak leh video darh hukah hmeichhe guard hian YoonA hi vun rawng inthliarna theihna ni awm takin, a bitum niin a lang a, camera hmaa in pose a tum chu ban phar meuhin hnung lamah a lo zar buai.
Netizens lam an lungawi thei lova, step chhova in pose thin a nih laia an chhohpui laia hnung lam atanga an ban lo phar a, an dang leh tlat thin chu Kelly Rowland chungah a lo thleng tawh a, Massiel Taveras pawhin an tuar zo deuh chiah bawk a, he hmeichhe security guard hi ban vang vang tura ngenna leh nawrna a riring ta hle.
Destiny’s Child member hlui Rowland hian vun rawng inthliarna lam hawiin securiy kha a puh tawh a, an inhnialbuai vak nghe nghe.
Hemi hnu hian Taveras pawhin steps chhoah tho hian camera hmaa in post hlei thei lovin hmeichhe security guard vekin a dang buai tawh bawk.
Tun tuma YoonA chunga thil thlengah pawh hian South Korean hian a thinrimna tilangsar viau lo mah se, a hmel atang chuan nuam a ti lova, security guard hi a ning/kham hluah hluah tih erawh a hriat hle thung.