Mizorama thangthar te zingah ruihhlo ti an awm lohna tura tlawmngai pawl din, Foundation For Drug-Free Mizoram chuan The Salvation Army, Mualpuikawn Corps Y.P te zingah ruihhlo that loh zia inzirtirna an buatsaih.
Ruihhlo that lohzia inzirtirnaah hian Resource Person Prof. H.K Laldinpuii Fente chuan, Pathianin mihring thluak ropui tak a siam tih sawiin, kan thluak chu tleirawl leh naupang kan nih laiin a than mek avangin ruihhlo hmanga kan thluak suasam lo turin a fuih a. Nawmchenna lem, rilru, taksa leh thlarau tichhe thei ruihhlo laka fihlim turin a sawm a ni.
Mualpuikawn Corps Y.P naupang mi 105 te chuan anmahni duhthlanna in ruihhlo laka fihlim turin an intiam.