Zo Re-Unification Organisation (ZORO) chuan thuchhuah siamin, khawvel hmun hrang hranga awm Zofate lungrual taka kan awm theih nan leh kan insuihkhawm leh theih nana hmalatu kan ni a. ZORO chuan tun hnaiah kan unau ZRA Eastern Command leh Chin National Army (CNA) leh a thurualpuite in hmu thiam lova silai hial an lek ta mai hi pawi a ti hle a. Kan unau ZRA leh CNA te pawhin unau inhmelhai a tha lo a ni tih hria a an in hmuh thiam lohna chhunzawm lova an in beihna hi ti tawp turin kan beisei in, kan ngen nghal bawk a ni, an ti.
ZRA Eastern Command leh Chin National Army (CNA) leh a thurualpuite pawh hi unau thlahkhat thisen a inzawm an ni a, engemaw thu inhmuh fuh loh vanga inti buai mai an niin a lang. ZORO chuan khawvel hmun hrang hranga awm Zofate chu lungrual taka awm turin leh unau kan nihna ti lang turin a duh hle a ni. ZORO chu ZRA leh Chin National Army(CNA) leh a thurualpui te inlungrual tak leh inngeih taka an awm leh theih nan remna palai hna thawh a tum a ni, tiin an thuchhuahah chuan an tarlang bawk.