- Ruata
Mahindra sub compact SUV lar XUV300 thar lo chhuak tur XUV 3XO chu ramchhunga dealer hrang hrangah thawnchhuah tan a ni a, kar hmasa thleng kha chuan mi 50,000 in an book tawh.
He SUV tharah hian petrol khawl hmang ho leh mid spec AX5 leh AX5 L trim te chu book tam ber a ni a. A rawng lamah chuan Nebula Blue leh Everest White chu book tam ber a ni bawk. A man tlawm ber, entry level variant ho hi book atangin thla 6 vel nghah ngai tura beisei a ni a. He SUV thar hi variant 18 a awm a, engine leh gearbox inkawp dan duhthlan tur 6 a awm bawk a ni.
Mahindra XUV300 ang thoin Mahindra XUV 3XO lo chhuak thar tur hi khawl chi thum duhthlan tur a awm a. 111bhp, 1.2L turbo petrol (MX1, MX2 Pro, MX3, leh AX5 variant hoah), 131bhp, 1.2L direct injection turbo petrol (a variant sang, AX5L variant hoah) leh 117bhp, 1.5L diesel engine (variant zawng zawng deuh thawah) te a awm. Transmission lamah chuan 6-speed manual leh 6-speed torque converter automatic te duhthlan tur a awm a ni.
A man lamah chuan XUV 3XO diesel manual leh automatic variant te hi a indawt danin Rs 9.99 lakh atang Rs 14.99 lakh leh Rs 11.69 lakh atanga Rs 14.49 lakh man a ni a. AX5 L, AX7, leh AX7 L 131bhp petrol manual variant te hi a indawt danin Rs 11.99 lakh, Rs 12.49 lakh, leh Rs 13.99 lakh man te a ni bawk a. Heng variant veka automatic ho chu a indawt danin Rs 13.49 lakh, Rs 13.99 lakh, leh Rs 15.49 lakh man a ni. 111bhp petrol manual leh automatic variant te hi a indawt danin Rs 7.49 lakh atanga Rs 10.69 lakh man leh Rs 9.99 lakh atanga Rs 12.19 lakh man a ni thung a. A man tarlan te hi ex-showroom man a ni.
Mahindra XUV 3XO kentel hrang hrangah hian panoramic sunroof, Harman Kardon sound system, leatherette upholstery, leatherette dashboard & door trim, front parking sensor, 65W USB-C fast charging, Level 2 ADAS, electronic parking brake with auto hold bakah 360 degree camera with blind view monitor chu a variant sang hoah a awm a ni.
Variant zawng zawngin in a neih, standard feature kit-ah hian electrically adjustable wing mirrors, engine start/stop, rear AC vent, 60:40 split rear seat, rear AC vent, adjustable headrest for middle row, 3-point seat belt for all passengers, seat belt reminder for all passenger, electronic stability control bakah airbag 6 a awm a ni.