Manchester United chuan kum 24 mi Chelsea centre-back Trevoh Chalobah lak an rilruk. (Independent)
Saudi Pro League club te chuan nipui bazar inhawn hunah player naupang zawk lak tur an dap a. Liverpool player pahnih; Colombia forward Luis Diaz leh English defender Joe Gomez te lak an tum hlawm. (Mail)
Tottenham chuan Brazil player pahnih striker Richarlison leh right-back Emerson Royal te chu la duh tu tur an dap. (Standard)
RB Leipzig leh Slovenia striker Benjamin Sesko chuan nipui bazar inhawn chhungin Arsenal a zawm hmel. (Mirror)
Arsenal hi an ngaihven mek Sesko manah £55m thehchhuak a, la lut nghal chuk chuk tur pawhin an inpeih. (HITC)
Everton chuan Manchester United England Under-21 centre-back Jarrad Branthwaite tlawm taka lak theih an inbeisei chu theihnghilh nghal hmak turin an hrilh a. Toffees hian United in Branthwaite lak an beiseina zat £40m let hnih zeta tam an chhiar. (Mirror)
Manchester United chuan English striker Mason Greenwood chu an hnena khel turin duh tawh lo bawk mah se manto zawka an hralh theih nan contract thar ziahpui leh an tum. Kum 22 mi Greenwood hi Juventus, Napoli, Atletico Madrid leh Borussia Dortmund ten lak tumin an ngaihven hlawm. (i Sport)
Atletico Madrid chu Greenwood la tura dinhmun tha bera ding an ni tih hailan a ni. (HITC)
West Ham leh Palmeiras te chu kum 18 mi Brazilian midfielder Luis Guilherme chungchangah an indwr. (Fabrizio Romano)
Arsenal chuan Feyenoord atangin Dutch left-back Quilindschy Hartman lak an duh a. Gunners hi Hartman lak tuma inelna hmachhawn turin an inpeih. (Telegraph – subscription required)
Chelsea leh Albania striker Armando Broja lak tuma intlansiaknaah Monaco chuan Watford leh AC Milan an hmakhalh rih a, dinhmun tha berah an ding mek. (L’Equipe – in French)
Crystal Palace leh Sunderland te chu kum 18 mi English forward, midfield a khel thei bawk Jobe Bellingham chungchangah an indawr. (Standard)
Brentford pawhin Jube Bellingham-a nau Jobe Bellingham hi lak tumin an ngaihven ve bawk. (Athletic – subscription required)
Everton chu Luton Town atanga English midfielder Ross Barkley lak tum zingah an tel naa, lak tuma hma lo la tawh Aston Villa an el hneh hmel loh viau thung. (Football Insider)
Manchester United leh kum 18 mi midfielder Kobbie Mainoo te chu contract thar, conract mawm zawk chungchangah an indawr. (Football Insider)
Chelsea chuan Leicester manager Enzo Maresca chu kum li daih bakah kum khat dang pawh sei leh theih tur contract ziahpuiin an manager thar atan an ruat dawn a. Maresca hi neitu thar hnuaiah Chelsea in manager panga an neihna tur a ni ang. (Telegraph – subscription required)