Ningani khan Mizoram Police leh Assam Rifles tangkawp chuan Heroin No. 4 gram 1387-a rit, sahbawn bawm 112 a thun chu Melbuk, Zote leh Champhai-Aizawl road-ah an man a, heng an thil man te hi Rs 9,70,90,000 man nia sawi a ni.
Hmun thuma an chet laknaah hian ruihhlo man tur hian Assam Rifles, Police Department, Zokhawthar leh Police Department, Champhai te chu an che chhuak a, heng beihpui an thlaknaah an thil man hi Melbuk-ah Heroin gram 146 an man a, Zote-ah hian gram 22 an man a, Champhai-Aizawl Road atang hian gram 1219 an man a ni, heng ruihhlo tawlhruk tum an man pathumte hi Kahrawt leh New Champhai lam mi te an ni.
Heng Heroin man gram 1387 te hi Rs 9,70,90,000 niin Police Department Zokhawthar leh Police Department, Champhai te hnenah a tul anga hma an lakna turin hlan an ni.