Er R Rohmingliana, MLA chuan ZPM party chu thudik hrula thu belhchian dawl lo hmanga mipui rilru hruaipen tum foah a puh.
Zirtawpnia Mizo Hnam Run chhung inkhawmah thu sawiin, Er R Rohmingthanga chuan, “Thudik hrula thu belhchian dawllo hmanga mipui rilru hruaipen an tum fo hi ZPM te hian sim rawh se,” a ti.
Er R Rohmingliana chuan, SASCI sum lapse chungchanga ZPM ten MNF legislature party te public debate puia an chona chu an ngam thuin a chhang let tih a sawi a. An chhan letna lehkha chu social media-ah an thehdarh ve loh thu leh amah ngeiin a pe nia sawiin, “Kan chhanletna lehkha hi social media vela thehdarh ve lo vin, keimah ngeiin ka pe a ni,” tiin, hemi chungchang hi special assembly ngeia sawiho nise tia a rawt thu leh, social media lama debate ngamlo anga an sawi chu thubelhchian dawllo a nih thu a sawi.
Tun lai khua rel chhiatna thleng chungchangah party pakhat chuan hamthatna lak nan hman an tum nia a lan thu sawiin Er. Rohminga chuan, “MNF chuan hetiang hi kan ti ve ngailo ang. Zoram tan eng nge ka tih ang a, engnge hmachhawp ka neih ang, tih hi kan ngaihtuah zawk tur a ni,” tia swiin, party dang chhiat avanga dinchhuah tum mai lo vin, an inenfiah fo tur tih a sawi.
MNF General secretary chuan, “Leader of opposition (cabinet minister rank) in car hlui tawh tak a dawng a, reilote hnuah an in pawh a thleng zo lo. A hnua car pek leh anih pawh workshop ah a awm mek. Heng thute hi sawichhuah kher tul kan ti lo a. Leader of opposition hi kan neih lohna a rei tawh avangin sorkar lai thiltih hmaih leh fel tawk lo te sawi lan kher tul kan ti lo va, inchirhtheh pawh tul kan ti lem lo. Amaherawhchu, leader of opposition in car thar manto sorkarin a lei sak tih thuthang a awm tak avangin sawichhuah ve a ngai ta a ni. Speaker in nuai 30 dawn lai man car a lei thar zawk a ni,” a ti bawk.