Union Home Minister Amit Shah chuan Zirtawpni khan Mizoram Chief Minister Lalduhoma chu phone kaltlanga biain, tun hnaia Mizoramin Cyclone Remal vanga chhiatna a tawh te a tawrhpui thu leh a tulna apianga puih a inhuam reng thu a hrilh.
Union Home Minister hian Mizoramin a mamawh chuan Team of Expert an rawn tirh theih thu leh chhiatna an tawh dan report kimchang pawh a rang lama theh lut turin a chah a, a tul angn an tanpui dawn tih a rawn hrilh a ni.
Chief Minister Lalduhoma’n Union Home Minister Amit Shah chu lawmthu hrilhin, tunah hian chhiatna chanchin kimchang report puahchah mek a nih thu leh, chawlhkar thar lamah Central lama report an theh luh theih a beisei tih a hrilh bawk.