Ukrainian model hriathawh Sawa Pontyjska chuan security guard-in kut a thlak chungchangah Cannes Film Festival huaihawttute lakah thubuai a thehlut.
Model Sawa hian red carpet a zawh laiin, security guard-in alakah tharum a hmang tih a sawi a, France rama event lian leh zahawm bawk si a a chunga thil thleng chu a hrethiam lo hle.
Hemi hma lawk hian zaithiam Kelly Rowland, South Korean actress Yoona leh Dominican actress Massiel Taveres te chuan security guard te’n an chhawnchhaih leh tihbuai danah an lungawi loh thu an lo puang tawh a, an chunga thil thleng video leh thlalak a darh nasa hle nghe nghe.
Tun tuma boruak rawn nei thar leh Sawa hi FashionTV presenter niin, ticket dik tak a hum chungin hmeichhe security guard pakhat chuan ‘Marcello Mio’ premier-a luh a tum chu tharum hmangin a lo dang buai nasa hle, niin BBC News a hrilh.
“Kawng inkhar bur mai pumpelh tumin hnuai lama ka chhuk htla a, rang takin step ka zawh thla nghal zar zar mai a ni. He nu hian tharum hmanga min nawr luh tumin min bei a, a chet vel dan hi midangin an hmu kher lovang. Kawngkhar hnung lam zawka min petchhuak a ni deuh ber mai,” tiin Sawa hian a lungawilohna leh a thinrimna a hrithla a ni.