Aizawl: College of Veterinary Sciences & Animal Husbandry, Central Agricultural University, Selesih, Aizawl te chuan Inrinni khan Durtlanga Synod Rescue Centre leh Hermon Children’s Home-ah World Milk Day an hmang.
College of Veterinary Sciences & Animal Husbandry in Synod Rescue Centre, Durtlang a World Milk Day an hmanna ah hian an college Dean Dr. Lalnuntluangi Hmar chuan hmanpui a, college zirtirtu leh post graduate zirlaite an tel.
Synod Rescue Centre a awm mekte mi 67 te leh an hotute bakah hnathawktute mi 29 te nen he World Milk Day hi an hmangho bawk.
College of Veterinary Sciences & Animal Husbandry te chuan Durtlangah vek, Hermon Children’s Home a naupang 46 leh an hotute bakah hnathawktute mi 14 te nen he ni hi an hmang bawk.
Heng hmun pahnihah hian kalkhawmte hnenah Dr. Lalnuntluangi Hmar, Dean chuan thu a sawi a. Dr. Lallawmzuali Ralte, Assistant Professor in Bawnghnute thatna leh hriselnate sawi hona leh inzirtirna a neih pui a ni.
He World Milk Day hi kum 2001 atang khan Food and Agricultural Organisation (FAO) bultumin khawvel pum huapin kum tin, June ni 1 ah a hman tan a ni a. He World Milk Day in a tum bulpui ber chu mipuite bawnghnute a kan lo hnianghnar a, ei tur leh in tur hrisel kan lo uar a, kan inzirtir zel hi a ni.
College of Veterinary Sciences & Animal Husbandry, Selesihte chuan he ni pawimawhtak hi kum tin school hrang hrangah te, hnuchham inah te leh Special Blind School, Durtlangahte kalin World Milk Day hi an lo hmanpui tawh thin a ni.