Rimawi khawvela hmeichhe artist zinga diamond single ngah ber ni turin Rihanna a dingchhuak ta.
Recording Industry Association of America (RIAA)-in May 31 khan Rihanna dinhmun tarlangin, a single lar tak tak- ‘Umbrella’, ‘We Found Love (feat. Calvin Harris)’, ‘Stay’, ‘Love the Way You Lie’, ‘Needed Me’, ‘Work,’ leh ‘Diamond’ hla pasari te diamond single-ah puan an ni.
Heng hla pasarih zinga pali- Umbrella, Work, Needed Me leh Stay te hi April thlaa ‘Diamond’ hla in diamond single dinhmun a hauh hnu-a rawn umzui ve chiah an ni a, hla pali hi solo a nih laiin, pahnih dang te hi Jay-Z leh Drake te an ni thung a, hnuhnung ber hi Eminem nena an thawhdunna a ni bawk.
RIAA hian single hla a tehnaah unit maktaduai 10 a thlen chiah hian diamond certified a ni nghal a, hla pakhat (unit) hi single digital hla pakhat hralh nen thuhmunah a dah a ni.