Bayern Munich chuan Portugal midfielder Bruno Fernandes chu Manchester United atanga lak tumin an dawr. (O Jogo – in Portuguese)
Manager Erik ten Hag a chhuak a nih chuan Borussia Dortmund ah loan a khel mek Jadon Sancho chu Manchester United a kir leh turin a inpeih. (Mirror)
Napoli leh Nigeria striker Victor Osimhen chuan Arsenal emaw, Saudi Arabia club emaw zawk zawkin an sawm hun a nghak. (Gazzetta dello Sport – in Italian)
Manchester United boss hlui Sir Alex Ferguson chu Crystal Palace sporting director Dougie Freedman nen London -ah an inhmu a, England defender Marc Guehi, England midfielder Eberechi Eze leh France Under-21 winger Michael Olise hralh chungchang an sawi dun. (Football Insider)
Palace hian Olise emaw Eze emaw zawk zawk pawh an hralh a nih chuan Leeds United winger Crysencio Summerville lak an tum dawn. (Mirror)
Summerville hi Liverpool pawhin lak an tum nia hriat a ni. (Mirror)
Tun thla tawp lama kum 33 tling ve tawh tur Belgium midfielder Kevin de Bruyne chuan nipui bazar inhawn laiin Manchester City a chhuahsan theih nan sawmna mawm tak a dawng ngei rin a ni. (Football Insider)
Cristiano Ronaldo chuan Real Madrid-a a khelhpui hlui pahnih Real Madrid leh Spain defender Nacho Fernandez leh Brazil midfielder Casemiro te chuan Al Nassr-ah an fin ve leh dawn niin a sawi. (Marca – in Spanish)
Tottenham chuan tun thla tawp hmanin Nottingham Forest leh England winger Callum Hudson-Odoi lak an tum dawn. (Football Insider)
Newcastle United chuan tunkar chhungin Bournemouth centre-back Lloyd Kelly lak fel hman an tum dawn. (Telegraph)
West Ham chuan £25.5m sengin kum 18 mi Brazilian forward Luis Guilherme chu Pallmeiras atangin an la fel thei tep tawh. (Times)
Fulham chuan Arsenal midfielder Emile Smith Rowe chu nipui bazar inhawn laia lak an tum zual zingah an telh telh a. Nipui bazar inhawn tirh lamah dawr thuai an tum. (Telegraph)l
Los Angeles Galaxy chuan Borussia Dortmund chhuahsan mai tur Germany midfielder Marco Reus chu lak luh an duh a, sawmna contract mawm an thawn. (Fabrizio Romano)
Leicester City boss Enzo Maresca chu thawhtanni ah Chelsea coach thar ni tih puanchhuah tur a ni a, Blues-ah hian kum nga daih contract a ziak ang. (Fabrizio Romano)
Blues hian Fulham atangin English centre-back Tosin Adarabioyo lak fel theih thuai an inbeisei bawk. (Football London)
Chelsea leh Tottenham boss Antonio Conte chu tunkar chhung ngeiin Napoli manager thar a ni tura beisei a ni. (Nicolo Schira)