Nimin khan Mizo Zirlai Pawl (MZP) chuan an office conference hall-ah executive meeting neiin, an pawl president H. Lalthianghlima’n meeting hi a kaihruai.
Thuchhuah an siam a an tarlan danin, Mizoram Sawrkar hnuaia Dentist (Ha doctor) hnathawk zingah document lem hmanga hna hmu an awm ngeiin an hria a. He thil hi enzui a, chhui chiang turin leh a tul anga hmala turin MZP chuan Health Minister a ngen nghal a. Sawrkar hmalakna hi ni 21 June, 2024 (Zirtawpni) thleng a ngaichang dawn a ni, an ti.
Mizoram University (MZU) hnuaia Group B leh C post hrang hrang hna lak tura written exam pek vek tawh, thla kua (9) ral hnuah pawh result la tihchhuah loh avanga thalai hna zawng mekte manganna chu a ngaihtuah a. MZU hotute biak pawha, enzui sak zel nise, tiin an thuchhuahah chuan an tarlang bawk.
An thurel zingah hian tun hma atanga zirlaiten harsatna an lo tawh fona, Zirlaibu sem chungchang pawh ngaihtuah telin, a hun taka zirlaiten an zirlaibu an dawn theih nan a tul anga hmalak a, enzui nise an ti a. Zofest 2024 hmanna hmun turin West Phaileng an ruat fel bawk.