June 3, 2024 (Thawhtanni) khan 2024-25 Season atana MFA Executive Committee Meeting hmasa ber neih a ni a, 2024-25 Season-a hmalakna tur hrang hrang ngaihtuah a ni. MFA hmachhawp langsar zualte chu:
- 2024-25 MFA Tentative Calendar chu pawm a ni a, chipchiar zawka lo duang a, tlangzarh turin MFA Technical & Competition Committee kutah dah a ni.
- MPL-11 chu July thla tir a khelh tura ruahman a ni a, MPL Board pawh din fel nghal a ni.
- 2024 I-Day Football Tournament khelh leh tur a ni dawn a, MPL Club-te intihsiakna bakah Womens leh Veteran-te inelna siam tel a ni ang.
- Khelo India Women’s League 2024 buatsaih tum a ni a, District FA zinga thleng/buatsaih tur zawn hmasak anni ang.
- State pawn Academy & Club-te tan MFA hriatpuina lo chuan Mizoram chhungah Trial neih phal ani tawh dawn lo va, Trial neih tum –Club & Academy-te zawm tur ‘guidelines & regulations’ siam a ni dawn.
- Kum diklo (Age Fraud) do kawngah MFA-in hma a la zel dawn a, ram pum huapa zau zawka hmalakna kawngah ‘Reliance Foundation Young Champs’-te thawhpui rem tih a ni.