Assam chuanchunga Charaideo district chu Nilainini khaw var hma atang khan thlipui na tak leh ruah tam tham takin a nuai a, hriat theih chinah sikul pahnih leh chenna in 148 zet a tichhia.
Thlipui leh ruah hi Sonari huam chhungah a thawk na ber a, Naphuk tea estate chu a tuar nasa ber niin chenna in tam tak a tichhia a. An thenawma Dhemaji pawhin an tuar a, thing leh electric ban a titlu nasa hle a. Thing leh electric ban tlu hian mihring eng emaw zat a delh hliam a, na lutuk erawh an awm hlawm lo.
He district-ah hian telephone leh power line a chhiat nasat avangin biakpawh hleih theih an ni lo rih a, naktuk tlai lamah chuan siam that leh hman erawh thawktuten an inbeisei.
Assam State Disaster Management hnuaia district project officer Bijoylakshmi Gogoi chuan chhiatna thlenna hi a tlawh tawh bawk.