BTS debut anniversary 11-na puala Jungkook hla, ‘Never Let Go’ tihchhuah chu kumin 2024 kal meka Spotify-a K-pop debut ropui ber a ni ta.
Lung kuai lam hla ni mah se, upbeat a nih vanga music mar pat mai hi AMRY te tan hlan a ni a, fan te pawhin an lo dawngsawng tha nghal hle.
Solo artist ang pawha Jungkook-a dinhmun thatzia leh huhang natzia a tih loh theih loh a, chart lamah hlawhtlinna duhawm a hmu.
‘Never Let Go’ hla hi June 6 khan tlangzarh niin, Spotify Global Chart-ah a vung chho nghal a, June 8 ni khan nikhat thil thu ah vawi 5,511,530 chuang stream a ni hman a, Spotify-a 2024 chhunga K-pop debut ropui ber a tih loh theih loh.
He hla hi BTS-in rimawi khawvela official hla hmasa ber an tihchhuah kum 11-na, June 13 a lo thleng tura pual liau liau a nih vangin hlut a hlawhzual.
‘Never Let Go’ hla ngaithla duh tan Spotify bakah Apple Music leh iTunes Stores hmeh keuh mai tur a ni e.