Er.R.Rohmingliana MLA chuan a bial chhung Thorang, khaw thenkhat te chu ni 10.6.2024 atang khan tlawh tanin, a bial chhung a High School 10 zing a 5 leh Higher Secondary School 2 awmah 1 tlawhin, MBSE in result a tih chhuah hnuhnung ber a passed te chawimawina hun a hmang a, HSLC leh HSSLC Distinction-a passed te lawmpui nan Laptop a pe vek a ni.
Er.R.Rohmingliana chuan school naupang te hma ah thu sawiin, Mahni inkhawngaihna hi hlawhchhamna bul a ni a, mahni hmelma chu mahni hi kan ni duh khawp mai a ti a. Mahni hma a tihtur awm apiang tih tang tang na hian hlawhtlinna min thlen thin a, zirlai naupang te pawh in kan zirlaia kan tihthat hi Pathian thu awihna a ni a ti. Bial dang atang pawh a Top 10 an awm theih chuan Thorang Bial atang pawhin an awm ve theih ngei a rin thu a sawi bawk.
Er.Hmingtea chuan zirlai hlawhtlingte thinlung tak a alawmpui thu leh tun tuma hlawhtling ve ta rihlo te pawhin rilru neih nana hmang a, “Failure is the piler of success” Sap thufing in a tih hi a dik a ni, a ti.
Thorang bialtu MLA chuan, Thorang bial chhungah ngei sawrkar hian College pakhat tal din ve se a duh thu sawiin, Zirlai naupang rilru thianghlim tak tak ten thinlung taka kan ram hi kan vei ahun tawhin, rual u zawk, party politics ruihchilh hote anga kan ngaihtuahna seng ve mai mai lo tur leh social media te hmangthiam turin zirlaite a fuih bawk.
Er.R.Rohmingliana MLA hi MNF Gen.Hqrs. leh Lunglei Sub.Hqrs. hruaitu ten an tawiawm bawk a ni.