Executive Committee of Mizoram State AIDS Control Society (MSACS) chu nimin khan Hospital & Medical Education Directorate conference room-ah Health & Family Welfare secretary Esther Lalruatkimi kaihhruaiin an thukhawm a; MSACS hnuaia HIV/AIDS vênna lam hmalakna Targetted Intervention (TI) hmachhawpte leh sum mamawh turte an sawiho.
HFW secretary Esther Lalruatkimi chuan, meeting chu Mizoram sorkara HFW secretary a nih chhunga MSACS Executive Committee thutkhawm hnuhnung ber a nih tawh sawn thu a sawi. Health Secretary a nih chhungin hlawhtlinna eng emaw zat an nei a, department-a thawktute nen thawhhona tha tak an neih vang a nih thu sawiin, a lawm tak zet thu a sawi bawk.
Thutkhawmah hian Health & Family Welfare hotu lu te, MSACS project director Dr Lalthlengliani leh hotu dang te, MJA aiawh, State NSS Officer leh HIV/AIDS veite enkawlna lama thawkte aiawhte an tel.
An thu ngaihtuah zingah hian TI project 60, Link Worker Scheme project pariat, OST center 61 leh satellite OST center-te enkawlna tur sum pe chhuak tura dilna chungchang te, damdawi/ruihhloa inchiu thinte enkawlna tur leh an hman tur hriau (syringe) tam tham tak leina tur sum dilnate leh thil pawimawh chi hrang hrang a tel.