English Premier League club Brighton & Hove Albion chuan an manager thar atan kum 31 mi Fabian Hurzeler an ruat fel a. Hurzeler hi EPL manager naupang ber a ni nghal.
Brighton manager thar Hurzeler hian season liam ta kha a club enkawl St Pauli chu German Bundeliga 2-ah a champion pui a, Bundesliga khel turin a tlinpui. Season liam ta khan St Pauli hi khelh 34 atangin vawi 20 zet hnehna a chanpui. Bundesliga II lamah a chet that vangin club lian zawkte ngaihven a hlawh a, khawvela league ropui leh hautak ber English Premier League club a enkawl dawn ta hial a ni.
Brighton chuan Hurzeler hi kum 2027 thleng daih contract an ziahpui a, an manager thar ai hian an senior player James Milner, Danny Welbeck leh Lewis Dunk te an upa zawk a ni. EPL-ah team kaihruai tawh zingah kum 2021 a Tottenham enkawl lailawktu kum 29 mi Ryan Mason kha a ni a. Brighton manager thar Fabian Hurzeler hi manager nghet zingah chuan EPL manager naupang ber a ni ve thung.