Manchester United chuan Bayern Munich leh Netherlands defender Matthijs de Ligt lak tumin an dawr tan a. German club Bayern hian De Ligt manah 50m euros (£42.3m) an chhiar. (Sky Sport Germany via TZ)
Manchester United chuan Everton in England defender Jarrad Branthwaite mana an chhiar £70m zat em em chuan dawr an tum lo. United hian kum 21 mi hi £43m tawktarhin an lo dawr a, Everton in an hnar vangin Red Devils hi an inthliar fihlim mai lo vang tih a sawi theih ta lo. (Mirror)
Arsenal chuan Barcelona leh England midfielder Keira Walsh lak tumin an ngaihven. (Athletic – subscription required)
Valencia chuan £25m senga Manchester United striker Mason Greenwood lak tumin an dawr. English forward hi Juventus pawhin lak an duh bawk. (Mirror)
England winger Jack Grealish chuan season liam taah khelhna hmun a chan tam theih loh vangin Manchester City chhuahsan a rilruk a. Kum 2027 thleng contract a la nei leh a hlawh sang lutuk chu a chhuak tur daltu lian tak a ni thei dawn thung. (Football Insider)
AC Milan chuan Inrinni zanah Italy leh Albani an intum tum khan Chelsea striker Armando Broja belchiang turin an scout te an tirchhuak. (Sky Sports Italy)
Lille chuan Premier League club hming tarlan lohin £42.3m tawktarha kum 18 mi French centre-back Leny Yoro an dawrna an hnar. Yoro hi Liverpool leh Manchester United te nen pawh sawizawm an ni a, amah hi chuan Real Madrid zawm a duh zawk thung. (Express)
Manchester United defender Victor Lindelof chu Fenerbahce boss thar Jose Mourinho-a’n lak a tum. Mourinho leh Lindelof te hi Manchester United-ah pawh an lo inhrawn tawh. (Fotomac)
Manchester United chuan AC Milan leh Borussia Dortmund in lak tuma an ngaihven RB Salzburg striker Oghenetejiri Adejenughure an ngaihven thar ve leh. Kum 17 mi hian Under 17 European championship ah khan Austria tan goal li a thun. (Express)
Manchester City chuan Real Madrid in River Plate atanga lak an tum kum 16 mi Argentine midfielder Franco Mastantuono chu lak khalh an tum. Mastantuona hi £45m sengin a lakchhuah theih dawn. (Sport, via 90 Min)
Liverpool in tunhnaia an thlithlai, Stuttgart centre-back Waldemar Anton, Germany Euroa quad-a tel mek chu 22.5m euros (£19m) sengin a lakchhuah theih dawn. (Sport Bild – in German), external
Juventus chuan season liam taah Borussia Dortmund in loan-a an hawh Manchester United winger Jadon Sancho lak tumin hma an la. (Football Insider)
England midfielder Emile Smith Rowe chu £30m a lei duh an awm chuan Arsenal in hralh an phal. (Football Insider)
Aston Villa chuan Chelsea chu Colombia forward Jhon Duran dawr phalna an pe. (Telegraph – subscription required)
Villa hian season liam taah Borussia Dortmund in loan-a an hawh Chelsea left-back Ian Maatsen an thlithlai uluk hle. (Sky Sports)
Everton chuan Tottenham, Aston Villa leh West Ham in lak tuma an ngaihven kum 26 mi Roma forward Tammy Abraham an ngaihven thar ve leh. (Mail)
English centre-back Jarrad Branthwaite chungchangah Everton nen an inrem thei lo a nih chuan Manchester United chu defender thar lak tur dang dap thuai turin an inbuatsaih. (ESPN)
Chelsea chu Crystal Palace nen France Under-21 winger Michael Olise chungchangah tawngkain inremna an nei thei tawh. (Teamtalk)
Manchester City chuan Argentina forward Julian Alvarez chu tun nipui bazar inhawn chhung chuan contract thar zawrh tumna an nei rih lo. (Football Insider)
Arsenal chuan 50m euros (£42.2m) senga lakchhuah theih tur Athletic Bilbao leh Spain winger Nico Williams lak tumin hma an la. (Football London)
Newcastle leh AC Milan te chu kum 26 mi England defender Fikayo Tomori chungchangah an indawr. (Football Insider)
Saudi Pro League club lian Al Nassr chuan Liverpool leh Netherlands centre-back Virgil van Dijk lak luh a, khawvela defender hlawh hnem ber nihtir an duh. (Marca)
Newcastle United chuan right winger lak tur an zawng mek a, Chelsea leh England Under-21 international Noni Madueke chu lak an tum zingah a tel. (i Sport)
Manchester United chuan Bayern Munich leh Netherlands centre-back Matthijs de Ligt an thlithlai uluk leh zual. (Sky Sports Germany)
Centre-back lak tur zawng mek Manchester United hian Nice defender Jean-Clair Todibo pawh an thlithlai bawk. (Mail)
Bologna striker Joshua Zirkzee chu Manchester United in an bengkhawn zingah a tel bawk a. Zirkzee hi AC Milan leh Juventus te nen an inchuh a ngai dawn thung. (Telegraph – subscription required)
Brentford chuan £80m an chhiar thin England striker Ivan Toney chu a tlem berah £60m tal lo chua hralh an tum lo. (Talksport)