Zirtawpni khan Lunglei Municipal Council (LMC) buatsaihin BoC Hall, Convention Centre-ah Lunglei Municipal Council kalphung leh mawhphurhna chungchang Local Council te nena zirhona ‘Sensitization on Role of Lunglei Municipal Council with Local Council’ hun hman a ni.
He hun hi Lalzuithanga, Chairman, LMC chuan kaihruaia thuhma sawiin Lunglei Municipal Council chu Lunglei khawpui hmasawn nan hna thawh kalpui tan tum a ni a, hemi kawngah hian Local Council nena thawhhona tha leh LMC kalphung leh mawhphurhna te hriat a ngaih thu a sawi a. Lunglei khawpui hmasawn nan theihtawp chhuah puiah a sawm a ni.
Zirtawpnia hun hmannaah hian K. Lalrinawma, Vice Chairman, LMC chuan The Lunglei Municipal Council Control of Parking and Collection of Parking Fees Regulations, 2024 chungchang a sawi a, Zorinsanga Hmar, Executive Councillor chuan Property Tax khawn leh Urban Local Body (ULB) Grant chungchang sawiin, Lalhruaitluangi Sailo, Executive Councillor chuan Lunglei Municipal Licensing Regulations, 2024 sawi bakah, Donny Lalruatsanga CEO, LMC chuan ‘Status and Role of the Local Councils’ chungchang a sawi bawk.
Zawhna leh chhanna hun hman an hmang bawk a ni.