AZL: Mizoram mamawh thlen a sawrkar laipui a mi pawimawh tak tak kawm a New Delhi a thang mek Lok Sabha MP Richard Vanlalhmangaiha chuan zirtawpni tlai khan Ministry of Tribal Affairs changtu Cabinet Minister Jaul Oram chu a chenna inah hmu in an inkawm.
MP (Lok Sabha) chuan Union Cabinet Minister hnenah hian Mizoram chungchang hrilhin, sawrkar laipui atanga puih mamawhna lai te a sawi a. Tribal Affairs Minister chuan Mizoram hmasawnna a ngaihpawimawh thu sawiin, thawhhona tha tak an neih zui a beisei thu a sawi bawk. MP Richard Vanlalhmangaiha chuan Chief Minister nen an la hmuh leh tur thu hrilh in, Cabinet Minister chu Mizoram a zin turin a sawm bawk.