WhatsApp chuan May leh June thlaah ringawt khan an dan zam zawm lo Indian account maktaduai hnih chuang an dan (block)-sak tih a puang.
Service chuan account block-sak zinga 95% hi India rama an danin a phalsak aia tam message ngai thawn chhawng (forward)-tute an nih thu a puang bawk.
India rama IT rules sawi hlawh tak hnuaia thla tina an report an thehluh tur an thehluh hmasak ber chu WhatsApp hian sorkarah an thehlut.
India hi WhatsApp hmangtu tam berna ram niin mi maktaduai 400 chuangin an hmang.
Facebook enkawl messaging service hian an tum ber chu tuin emaw mi tina thei leh messgae tul lo a thawn laka India venhim a nih thu an sawi.
Advanced machine learning technology hmangin WhatsApp hian thla tin khawvel pumah account maktaduai riat vel a block thin.
“May 15 leh June 15 inkar khan India-a account maktaduai hnih chuang chu dan piah lama tam message an thawn avangin block a ni,” an ti.
Service hian Indian account hi awlsam takin +91 phone number hmanga hriat theih a nih thu an sawi.