Aizawl : Republic Veng Local Council leh Branch YMA-in YMA Day khan Save the Riparians nen thawhhovin faina hnatlangpui an kova, mi 1000 vel an thawk chhuak.
Hnatlangpui hi Aizawl Mayor Lalrinenga Sailo pawhin telpuiin, “Aizawl khawpui tifai turin kan la tlai lo. Republic Veng a harh chhuak hmasaa in ṭang hi a lawmawm. Mizote hi septic tank thli paih dan leh bawlhhlawh paih danah hma kan sawn a ṭul hle” tiin hnatlang tura kalkhawmte chu midang tana entawntlaka insiam turin a chah a ni.
Republic Veng LC leh YMA ten hnatlangpui neih hma hian chhiatrupna laka inven nan, vengchhungah tui chhe paihna dinhmun zirchianna neih a ni a. Tui chhe paihna nei ṭha lo in te chu siam ṭha tura tih an nih bakah vantlang rama tui chhe paihna ṭha tawk lo siam ṭhat dan tura hmalak chhoh a ni bawk. LC Chairman Lalengmawii leh Branch YMA President L. Ramdinliana Renthlei ten thu an sawi bawk.
YMA-in a chhinchhi- ah danin Republic Vengah hian chhungkua 965, mi 4210 an cheng a. Lui ka- wr pasarih awmin, luika- wr tihfai hna hi an thawk.