Aizawl: Thawhtanni khan MNF General Headquarters campaign committee chuan Ward No-19, AMC by-election lo awm tur a inbuatsaihna kal zelah meeting an nei a, he meeting-ah hian by-election lo awm tura veng hrang hrang aiawh an kal tha hle. MNF Party President Zoramthanga leh Senior Vice President, Dr.R.Lalthangliana-ten an tel pui a, party Workers leh Adviser-te pawh an tel tha hle a ni.
AMC By-Election lo awm tura hnehna kan chan ngei theih nan kil hrang hrangah tanlak zel ni se, kan thlen chinah inngaitlawm takin, mi rilru tina lo zawngin, Aizawl Municipal-a rorel lai kan nih angin, rorel lai candidate ngei hi ward mipui hian thlang tling se, ward tan pawh hmasawnna a nih ngei kan ring a, kan hmalakna tura rorelte hi bawhzui nghal chite bawhzui nghal zel ni se kan ti a ni, an ti a, chak ngei tura an hmalak thu an sawi.
He meeting hi AMC Mayor Lalrinenga Sailo-in a kaihruai a ni.