Science Teachers Association Mizoram (STAM) leh Mizoram Science, Technology and Innovation Council (MISTIC), Department of Science and Technology, Government of Mizoram buatsaih, National Science Day-2024 lawmna peng pakhat atan, 2nd State Level Science competition nimin khan neih a ni.
Class VIII leh class X zirlaite tan Science competition hi buatsaih a ni a, Mizoram District tinah he intihsiakna hi neih niin, class VIII zirlai 720 leh class X zirlai 1000, an vaiin 1720 he science intihsiakna ah an tel a ni.
Aizawl ah zirlai intihsiakna a tel an thathnem avangin Govt. Chaltlang High School leh Modern English Higher Secondary School ah neih a ni a, District headquarters ah theuh he intihsiakna hi neih a ni bawk.
He Science competition-a ti tha te hi mahni district theuh ah lawmman sem a ni ang a, State level ranking siam a ni bawk ang.
Zirlaiten Science competition hi an hlut hle a, STAM chuan lawmawm a ti a, zirlaiten an hlawkpui ngei an beisei.
He Science competition buatsaihna atan MISTIC -DST in sum a tumsak a, STAM chuan lawmawm a ti hle.