Brighton chuan Leeds United atanga Dutch winger Crysencio Summerville lak tumin an dawr. (Talksport)
Spain winger Ferran Torres chu West Ham United in nipui bazar inhawn chhungin lak an duh a, kum 24 mi hian Barcelona chhuahsan a duh lo thung. (Mundo Deportivo – in Spanish)
Tottenham in England forward Ivan Toney lak tuma an dawrna chu Brentford in an hnar. (Football Transfers)
Crystal Palace chuan club lian zawk ten lak tuma an ngaihven England defender Marc Guehi manah £65m an chhiar. (Telegraph – subscription required)
Fenerbahce chuan Manchester United leh Sweden defender Victor Lindelof lak tumin an ngaihven. (Sky Germany)
Juventus chuan United a duhsak hlawh zo lo English winger Jadon Sancho lak tumin an ngaihven a. United in an chhiarna £40m chu to an ti thung a, hei vang hian loan a hawh phawt a, a ngheta la zui an tum leh a ngaih hmel. (Sun)
Atletico Madrid chuan Chelsea leh England midfielder Conor Gallagher lak tumin hma an la. (Relevo – in Spanish)
Gallagher hian lak tuma ngaihventu dang Aston Villa chu a zawm duh lova, hnar fikthlak hmak a tum. (Football Insider)
Kum 17 mi Brazilian winger Estevao Willian chu medical test a paltlang fel ta a, Palmeiras atangin Chelsea a zawm fel thuai dawn. (Standard)
Nottingham Forest chuan Corinthians goalkeeper Carlos Miguel chu an la fel thuai dawn a. 6ft 8in zeta sang Miguel hi English Premier League-a player sang ber a ni dawn. (Daily Mail)
Manchester City chu season thar atan player thar la lut lo turin an inbuatsaih. An player neih sa pawh chhuah dilte an nih ngawt loh chuan hralh tam an tum rih lo. (ESPN)
Newcastle United chuan Iceland winger Jon Dagur Thorsteinsson chu Belgian club OH Leuven atanga lak tumin an ngaihven. (Chronicle Live)
AC Milan leh England defender Fikayo Tomori chuan Newcastle United atangin sawmna eng pawh dawng se a hnar ngei a rinawm. (Football Insider)
Germany defender hlui Mats Hummels chuan Borussia Dortmund a chhuahsan fel hnuin Real Malorca a zawm fel thei tep tawh. (Diario de Mallorca – in Spanish)
England winger hlui Ashley Young leh Everton te chu contract thar chungchangah an inrem thei tep tawh. (Talksport)
Tottenham chuan kum 22 mi Monaco right-back Vanderson lak tumin an ngaihven. (Fabrizio Romano),
Borussia Dortmund leh Brighton te Germany midfielder Pascal Gross chungchanga an indawrna chuan hmasawn hret mah se inremna erawh an la nei hnai rih lo thung. (Sky Germany)