- Nana Ralte
Hman zan chu ka thianpa Police Officer pakhat in Aizawl ka zin chho tih hria in, ka nawmsam loh thu a lo hria a, hma takin alo lenglut vat a, khum bet chawt ka ni lem lo bawk nen Thutthlengsei a mut zal pah in ka lo kawm a, rei lo te ah kan titi chu a rual chho lo thei lo, kan tunlai Kuhva Chingtu te chanchin leh Kuhva Smuggling chungchang ah chuan kan lut thuai a. Smuggling tunlai Zoram Boruak boring hman lo tak ah hi chuan Kuhva Chingtu, Kuhva Smuggling leh Mizoram Police hi chuan a lungthu kim in sawizawm loh theih loh then hran han tum viau pawh a thenhran tak tak theih lo a awm tlat kan ni reng a ni.
Kuhva Smuggling kal dan leh India market a Kuhva rate hniam thlak zel dan te, Mizoram Kuhva Chingtu te Market a tih chhiat dan te hi chu sawi fo ngai chi ah ka ngai lo a, India market a ni emaw, US market a ni emaw khawi market pawh nise thil reng reng a tam lutuk chuan rate a tlawm mai thin, chumi a nih avang chuan khawvel ram tin hian ram chhung farmers te hre reng chung in a khuahkhirh na Dan (Law) an siam mai thin zawk a ni. A phuk a phak pawh hre lo a, nula tlangval ziak leh chhiar thiam ve nisi hawiher pangngai ve tak tak han en mai chuan Londawn khawpui ah pawh kechheh zei hmel ve fu si hian enge a pawina? Kan la ti ang hehaw hi chu engmah mawhpuh tur dang a awm lo, chhiar tlem leh rilru lam a khawvel rual ban loh vang a ni mai. Amah Pu Hriata tawngkam tak in “Mizoram hi an ti happening ve hrim hrim” lo ti ve he haw rawh se ??
Reilo te ah Kuhva Smuggling bak chu sawi tur kan hre ta chuang lova, Khawchhak Ramri duty chungchang chu a hmun a awm ang mai in thil a chiang a, Kuhva Smuggling phur motor hi zan khat ah Medium Track, Heavy Track mix in Motor za(100) tling zenzawn hi an lo intirameikai thin a ni awma, Tau meichherchhi te pawh an ang viau thin a ni awm a ni, Duty ah Cheng singthum atanga Cheng singruk (30000-60000) motor len dan azir leh an phurh tam dan a zirin in an lo pe thin a ni awm a, a theu neu lo hle a ni. Police Constable pakhat tawng mawi lo ni lo sela No 4 addiction pakhat pawh thla riat (8months) chhung lek a duty ve a, Ignis Car thar leh inhmun a lei hnuah a nu cheng nuai riat (800000) a thawn hman a ni awm a, a happening awm ve hrim hrim?? alawm le!! Zan tlaivar duty te hian Ipte hnungpuak, a Khawchhak tawng tak in Paite Rucksack hi an ak mai thin a ni awm a, zing lam ah chuan an thian ten ekhai kha tukin zing chu engzat nge? An in ti a, sawmthum chauh (3000000) nuai sawmthum chauh te an ti vel mai mai thin a, a boring hman meuh lo anih hmel.
Zokhawthar kai vel ah chuan zan rei lam ah hian Foreign Car Toyata Vei lam Stearing te hi an lo tlan phei a gate ah tlang zawk nan, nuai sawmthum te thehchhuah an rawn phal thin thu te sawi a ni thin, eng tak ti zuai dawn ni maw??? Zuai Rs 300 chu a ni lo a nia. Nihliap leh naupang toys mai mai keng te pawh in Gate paltlang nan Cheng nuai sawm te an thehchhuak phal tlat a lo nih chu. Gate hel a paite Rucksack khat ak a hniakhnih kawng zawh ho chuan vawikhat kalkai ah Cheng nuai khat te ah lo hlawh thin a ni awm a, huan sam in daily in han chhawr ngai in hlawhfa han chhawr mai ila sum ngah ava ngai dawn em!!! Kan chhawr hma in keini chu kan boring hman ang. Ruihhlo an man te hi Malkhana a an dah original seal pack te hi Pawisa tam tak nen, a duplicate a thleng an lo dil thin a ni awm a, forensics lam in an hawn hma chuan an hrechhuak ta thin lo a ni awm e.
Eng pawh chu nise heng thu te leh titi te hi Pathian rawngbawltu te bula sawi chi a ni lo phawt mai a, a chhan chu Pathian malsawmna a tih chi ngawt dawn si loh a, Pathian tih mi Ramhruaitute bulah te leh Pathian tih mi hotu lian te bula sawi chi lah a ni lo, ngawi reng a Pathian malsawmna kan dawng a tih mai chi zawk nge ni ka hrethiam pha ve hek lo, mahse chhungrilah mahni leh mahni ah inthlahrunna ava tam duh awm em!!
Ka thianpa erawh chuan “Khi hmun a ka awm ve lo hi Pathian malsawmna ka dawn a ni,” a ti ve tlat “Awm ve ni ila ka hnar seng bik in ka ring lo” a ti hial a ni.
Ngun tak a ngaihtuah chuan Central sorkar in Ramri hung kalpui a tum hi Mizo te Lalpan min chhanchhuah tumna hmanrua ni in Central sorkar hi a hmang mai ah kei chuan ka ngai a, Kan Pathian Zofate min hmangaihtu remruat ang in hung pui vat vat nise tih hi ka pawm zawng tak a ni. Ram chuan ri a nei a hnam chuan ri a nei lo kan tih thin erawh vawn nun reng tum tlat ang u. Assam leh Tripura Milem Pathian bia Police officer ten Mizoram chu Smuggling kalkhawng Smugglers te zalenna State min ti fo te hian kan biak kan Pathian nung hming kan ti chhia tih hi I hre thar leh teh ang u, Zofa in unau na chu pawn lang ah nilo in chhungril ah ni zawk rawhse.
Foreign a Zofa leh Zoram a Zofa te hian kan tun dinhmun aia tha zawk in unauna hi Kan neih a hun takzet a ni. Nang leh kei Zofa ni zel ang aw.