Consumer Protection Act 2019 tlangpui zir hona

• Lallunghnema, Charity Lodge

Ni 13.June thla khan Consumer Affairs Staff training-naah Resource person niin tuna kan thupui hi ka sawi a.Ka tawn hriat ka zep tel nual bawk a ni.Darkar hnih zet zawt hun hmangin ka han inchhâk da ve a.Thahnem ka ngaih avangin hrehawm leh hah ka hre lova.Nuam ka hle a ni.Resource person ka ni kha ka lawm a.An hnenah lawmthu awm mawlh rawh se.He meeting huna ka thusawi thenkhat ka rawn tar chhuak lawk a ni.Han chhiar teh le.

1. Consumer – te Dikna leh Chanvo humhalh a nih theih nan Consumer Protection Act 1986 chu kum 33 zet hman a ni a. He Act hian Consumer – te Dikna leh Chanvo a huam zau tawk lovin chak tawk lova hriat a ni a. Chuvangin huam zau zawk leh tangkai zawka Act leh Rules-te chu hman a nih theih nan Consumer Protection Act 2019 chu duan chhuah a lo ni ta a ni.

Tichuan, he Act 2019 hi hman a nih dawn tak avangin Consumer Protection Act 1986 chu tihtawp a niin 2020 July 20 atang khan India ram pumpuia ( Jammu and Kashmir huam lovin)-ah hman a lo ni ta a ni.

2- He Consumer Protection Act 2019-ah hian thil thar engemaw zat telh belh a ni a. Chungte chu:
(a) e-Commerce, Direct Selling –sec-94.
(b) Central Consumer Protection Authority din thar a ni–Sec-2.
(c) Misleading Advertisement khauh taka kenkawhna dan — Sec- 89
(d) Commission-ten Pawisa chawitir theih zat tihdanglamna–Sec -34, 47, 58 ( changes in the Pecuniary Jurisdiction)
(e). Product Liability khauh taka kenkawhna dan– Sec. – 82- 87
(f) Unfair Contract telh thar a ni bawk.
(g) Awl sam zawka consumer – te thubuai chin fel dan kawng sial a ni bawk.

3. He Act Tharah hian Chapter VIII awmin Section 107 zet a awm a ni.

• Chapter I – naah hian he Act- in a huam chin leh hman tan hun tarlan a ni a. He Act-a thumal pawimawh tak tak hrilhfiahna a chuang tel bawk.
• Chapter II – naah hian Consumer Protection Council din chungchang tarlan a ni a.
• Chapter III- naah chuan Central Consumer Protection Authority din a nih thu tarlan a ni thung a. CCPA khalhtu leh thuneihna leh thil pawimawh dangte tarlan a ni.
• Chapter IV -naah hian Consumer te lungawi lohna Complaint ngaihtuah a chin felsaktu National, State leh District -a Commission din a nih thu tarlan a ni bawk.
• Chapter V- naah hian thil thar Mediation a awm bawk.Consumer Commissiona inkhingte inkara remna hna thawh chungchang leh a kaih hnawih tarlan a ni.
• Chapter VI – naah chuan Product Liability chungchang tarlan a ni a. Hei hi consumer-te venhim kawnga thil pawimawh tak a ni.
• Chapter VII -naah chuan Consumer Protection Act bawhchhetute hrem theihna dan (Offences and Penalty) sawi a ni a. Hei hi hriat chian a pawimawh leh a ni.
• Chapter VIII – na hi Miscellaneous awmna a ni a. e-Commerce, Direct selling hmang a unfair trade practice venna dan thar (measures) a awm bakah thil pawimawh hriat a zir chhuah tur tam tak a awm a ni.

3. Tute nge Consumer?
   — Bungrua leitu leh Service hmangtute chu consumer an ni. He Act tharah hian online – a thil leitute pawh a huam vek a ni. Electronic, telephone leh direct selling emaw multi- level marketing a huam vek bawk.- sec 2 (7)
4. Tute nge thil lei emaw service hmang Consumer ni lote?

• Miin thil a dawn leh a thlawna thil a hmuhin emaw sumdawn nan emaw hralh chhawn atan miin thil a leiin,
• sumdawnna atana miin service a hmanin miin contract of service a hmanin Consumer a ni lo.
• self – employment atan miin thil a lei erawh chuan Consumer a ni.

3. Consumer -te Dikna leh Chanvo ( Right) te chu hengte hi an ni:sec.2(9)definition.
   a. Right to safety
   b. Right to be informed
   c. Right to choose
   d. Right to be heard
   e. Right to seek redressal
   f. Right to Consumer Awareness
4. Tuten nge complaint thehlut thei?

a. Consumer tupawh,pakhat emaw a aia tam.
b. Registered Consumer Association
c. Central Government emaw State emawin.
d. Central Authority
e. Consumer Complaint thu hmun pakhat aia tam aiawhin.
f. Consumer a thih thuchah a rokhawmtu emaw a aiawh tura ruat apiangin complaint a thehlut thei ang.
g. Mahnia inbuaipui thei lo, naupang a nih chuan a hringtu nu leh pa emaw, a aiawh tura ruatin complaint a thehlut thei ang.

8. Consumer Disputes Redressal Agency -te chu hengte hi an ni.

a. District consumer Disputes Redressal Commission/ District Commission.
b. State Consumer Disputes Redressal Commission/ State Commission
c. National Consumer Disputes Redressal commission/ National Commission

9. Commission ten pawisa an chawitir theih zat

a. District Commission- nuai 50 chin hnuai lam.
b. State Commission – nuai 50-nuai 200 thleng
c. National Commission -nuai 200 chung lam.

10. Khawi atangin nge complaint a theh luh theih?

(a) Sumdawnna hmun emaw thubuai neitu khin mek ( opposite party) chenna hmun atangin.
(b). Complainant chenna hmun atangin
(c) Buaina emaw thil thlenna hmun atangin.
(d)online hmangin(www e.daakhil)

11. Misleading Advertisement chungchang: sec.89:
    a. Thu dik tâwk lo hmanga product leh service sawi chhuah.
    b. Thu dik tâwk lo hmanga Guarantee pêkte, product emaw service emaw fak mawite.
    c. Manufacturer leh seller( siam chhuaktu leh hralh chhuaktu ten an thil siam hralh chak duh avanga insawi mawite leh thil nihna dik lo taka inpekte hi Misleading Advertisement a ni a. Unfair Trade Practice dik tak a ni.
12. Misleading Advertisement chungchanga mawhphurtute:
    Manufacturer te, Advertising Agency te, celebrity endorser te leh pulisher te hian mawh an phur ang
13. e- Commerce hi engtihna nge?
    Consumer Protection Act 2019 in a tarlan ang chuan electronic network hmanga digital products lei leh hralh hi a ni.
14. e- Commerce entity hi eng tihna nge?

• Electronic hmanrua emaw platform hmanga hnathawktu hi a ni a. Mahse heng thil zuartute erawh chu a huam lo.

11. Product Liability chungchang:
    -Thil siamtute leh hralh chhuaktute mawhphurhna a ni. An thil siam chhuah(product) chu consumer –te tana him-dam lo a nih chuan mawh an phur ang a. Consumer Comission hnenah thlenin khin theih an ni.
12. Product siam chhuaktu (Manufacturer) hnena compensation phut (claim) theihnate,:
    (a) Manufacturing defect a awmin.
    (b) Product design ah defective a awmin.
    (c) Manufacturing specification tihdanglam a nihin.
    (d) Product chu a nih tur ang a nih phak lohin.
    (e) Express warranty an pal zutin.
13. Consumer Commission hmaa complaint thehluh dan (Procedure).
    (a) Ziakin buatsaih tur.
    (b) Tihdan phung (regular way) offline in thehluh theih a ni a.
    (c) Online kal tlangin a theh luh theih bawk.
    http//edaakhil.nic.in
    (d)Complaint chu dakah (registered post)court fee nen a thawn theih a ni bawk.
    (e) A tlangpuiin copy 3 a ngai a, complainant leh opposite party an thathnem deuh chuan copy tam pawh a pawi lo tura ngaih a ni.
14. Mediation hmanga complaint chin fel dan:
    District Commission in tul leh thaa tih chuan Mediation Cell-hnenah complainant leh opposite party rem tih tlannain ni 5 chhungin Mediation Cell hnenah complaint case chu a pe ang a,tichuan chuan a tifel thei a ni.

Ni 7 chhungin Commissionah a pe kir leh tur a ni.
Mediation cell-ah fee a ngai lova, an thutlukna hi khin lêt (appeal) theih a ni hek lo.

19. Consumer Commission-te hi quasi-judicial body a nih avangin awlsam leh a rang lam zel (simple & speedy justice) complaint chu ngaihtuaha chinfel thin tur a ni. Chuvangin Advocate rawih(engaged) loh hi intih hmuh zawk tur a ni.

Consumer Commission hi social court (vantlang mipui court) tih a ni a. Khawvela court rang ber (quickest court in the world) tih a ni bawk.

20. Complaint theh luhnaah chuan hengte hi tarlan tur a ni.
    (a) Complainant hming leh address
    (b) Opposite party hming leh address.
    (c) Complaint chi hrang hrang fact.

Document/ Evidence awm thei apiang kum 3 chhungin complaint theh luh theih a ni.

21. Consumer Commission chuan hengahte hian relief a pe thei ang.-sec.39
    (a) Bungrua chhe lai siam turin.
    (b) Bungrua a thara thlak turin.
    (c) Bungraw man pek let turin.
    (d) Hna tha lo lai siam thatsak turin.
    (e) Compensation pe turin.
22. Appeal chungchang:

• District Commission judgement a lungawi loh chuan ni 45 chhungin state commission hnenah a appeal theih a ni ang.

21. State commission judgement a lungawi lo chuan ni 45 chhungin National Commission hnenah a appeal thei ang.

• National Commission Judgement a lungawilo chuan ni 30 chhungin Supreme Courtah a appeal thei ang.

21. Complaint chin fel hun chhung:
    Consumer Commission-te chuan complaint reng reng ni 90 chhungin an ‘dispose’ ngei ngei tur a ni a. Laboratory test ngai erawh chu ni 150 chhungin complaint chu chinfel tur a ni thung.
22. Complaint Fee pek thu hla:

Consumer Commission-a complaint theh luh dawnin Court Fee pek a ngai a. Mahse complaint hlut zawng 5 lakhs hnuai lamah fee pek a ngai lo thung a ni.Mahni ngei kalin a pawisa(cash)- in a theh luh theih bawk.

26. Hetiang hi Fee pêk zât tur a ni.

Registered Bank-ah Demand Draft siamin fee a pek theih a,Dakah Indian Postal Order siamin a theh luh theih bawk.

1. Rs1- Rs 5 lakhs – nil
2. Rs 5 lakhs – 10 lakhs – Rs 200
3. Rs 10 lakhs – 20 lakhs – Rs 400
4. Rs 20 lakhs – 50 lakhs -Rs 1000.
5. Rs 50 lakhs – 100 lakhs – Rs 2000 .
   Hemi chung lam hi chu kan tarlang ta lo mai a ni e.

Consumer Protection Act, 2019 hi zir tham fe a awm a. Hriat tur tam tak a awm a. Tui chilh a ngai a, a taka experience a ngai a ni. Tuna kan han tarlan hi ‘a then’ chauh a ni a. Hriat belh tur tam tak a awm a ni. He Act Thar hi tihpuitlin a nih theih nan The Consumer Huang:

Consumer Protection Rules 2020,2021 & 2023 kan nei bawk.

A tawp berah chuan Act leh Rules- te hi awm mahse a hmangtuin an zir loh chuan eng mah lo mai a ni ang a, a hmangtute an rinawm a, an taimâk chuan mipui tan malsawmna hlu tak a ni ang.