Zirtawp zana ruah sur nasa tak avangin Sialhawk Dinthar veng motor kawngpui thlang lama in sak lai pahnih a chhia.
A tihchhiat pakhat zawk Laldawngliana in hi lei minin a hnawl chhe vek a. A bul chiaha Lalbiakhlua in sak pawh sak chhunzawm ngam a nih tawh dawn loh avangin inrinni khan thiah nghal a ni. He chhiatna thlengah hian vanneih thlak takin thi leh hliam an awm lo.
Ruah sur avang hian Sialhawk Power Sub Station panna kawngpui leh Thingaimual panna kawngpui pawh leiminin a hnawh ping vek bawk.