Mizo Students’ Union, General Headquarters chuan nimin khan Project Mizoram(Free medical equipments supply) bungrua engemawzat chu Health Minister Lalrinpuii hnenah a tul a tih dan apianga sem turin an hlan.
Project Mizoram hi Mizoram a Burma unau raltlan awm te leh Mizo mipuite puala medical equipment a thlawna sem chhuah a nih theihna tur in Kum 2022 atang tawh khan Project lo kalpui tawh a ni a. Mizo Students’ Union(MSU) leh khawvela medical equipment sem chhuaktu lian ber Project CURE, United States of America te, Myanmar Refugee Relief Committee- Mizoram te, R2P Myanmar Way te, Arizona Falama Christian Church te, Chin Baptist Association te leh North America te tangho project siam chu a taka kalpui mek zel a ni.
Project Mizoram bungruate hi First Container leh Second Container-ah te then niin First Container hi kum 2022 khan Mizorama Community Health Center (CHC) leh Primary Healthcare Center (PHC) hrang hrangah sem darh a lo ni tawh a.
Project–Mizoram 2023 second container-ah hian damdawi lam bungrua chi hrang hrang bakah manna pack (food package) a awm a,Tun Project–Mizoram a thawh hnihna hi ‘Humanitarian Aids’ tia vuahin kan unau Burma, Bangladesh, Manipur-a chengte an ram buaina avanga Mizoram rawn belte’n an mamawh ang zelin camp hrang hrangah a ṭul anga sem darh a lo ni tawh bawk a ni.
Health minister chuan bungruate chu tangkai taka hman a nih tur thu a sawi a, MSU in heng bungrua chi hrang hrang a chahlut leh mamawhte tana semchhuah tura a buaipui chu lawmawm atih thu a sawi bawk.
Nimina Health Minister hnena bungraw hlante chu :
- Post Tibia/Fibula)UNPAD
2.Patient Bed
3.Patient Transport Bed - Suspensory with Leg straps
5.Drainage Protector & Cathedral Plug
6.Sterile Vial For Sample Test - Maxtrax Ancle Walker
- Mask ( 3M , N95)
- Forearm, Padded,RT,LG
10.Tri- Flo Suction Catheder(8fr) - Anaesthesia Mask( Medium Adult)
- Disposable Shoe Cover
- Surgical Gown (Disposable)
14.Hot Compress Instant ( Disposable)
15.Canvas Open-toe Cast Boot( size – Small, XL)
16.Nin Conductive Connecting Tubing
17.Dispossable Google
18.Unov Wrist/ Forearm Supporter
19.Urine Measurement Cup/Basin
20.Farrel Valve Closed Enternal Decompression System - Conductive Adhesive Hydrogel