Manchester United chuan Bologna leh Netherlands forward Joshua Zirkzee chu a lakchhuah theihna zat 40m euro (£33.9m) in an dawr tura ngaih a ni a. United hian France U21 defender Leny Yoro chungchangah Lille an dawr bawk. (Sky Sports)
United hian English forward Madon Greenwood an hralhna atangin Zirkzee an lak theih an inbeisei. (I Sport)
Everton chuan Manchester United in kum 21 mi England defender Jarrad Branthwaite lak tuma an dawr nawn leh ngei an beisei. (Liverpool Echo)
Everton chuan Marseille atangin Senegal forward Iliman Ndiaye an la fel thei tep tawh. (Footmercato – in French)
Manchester United chuan an manager Erik ten Hag nen pre-season training nei tura USA lamah an zin hma ngeiin contract thar chungchangah an inrem theih an beisei. (ESPN)
Manchester United hian an striker hlui Ruud van Nistelrooy chu Erik ten Hag-a coaching staff a tel turin an dawr a, an indawrna a hlawhtling ngei a beiseiawm hle. (Talksport)
Spain forward Joselu chuan Qatari club Al Gharafa atanga sawmna a dawn hnuin Real Madrid a chhuahsan fel tep tawh. (Athletic – subscription required)
Chelsea leh Barcelona te chu kum 18 mi Spanish forward Marc Guiu chungchangah an indawr. (ESPN)
Blues hian Guiu lak tuma an elpui Bayern Munich hmakhalhin hma an hruai mek. (Fabrizio Romano)
Spanish goalkeeper Adrian chuan Liverpool ah cham chhunzawm theihna hun tha a neih a hnar a. La Liga club Real Betis a pan thuai dawn. (Football Insider)
Borussia Dortmund chuan kum 18 mi Leeds United midfielder Archie Gray an ngaihven. (Bild – in German)
Arsenal chuan Wolves leh Portugal winger Pedro Neto lak tuma an dawr hmain a hriselna dinhmun zir chian leh hmsak phawt an tum. (Football Transfers)
Tottenham leh Lille te chu kum 24 mi Canada forward Jonathan David chungchangah an indawr tan a. David hi Chelsea nen pawh sawi zawm an ni. (Football Insider)
West Ham chhuahsan tur anga sawi tlang than Ghana midfielder Mohammed Kudus chuan sawmna a la dawng lo. (Sky Germany)
Napoli chuan Nigeria striker Victor Osimhen man atan 100m euros (£85m) chhiar an tum a. Kum 25 mi Osimhen hmunruak luah thei tur zingah kum 31 mi Chelsea leh Belgium striker Romelu Lukaku a tel. (Calciomercato – in Italian)
Aston Villa chuan Chelsea in lak tuma an hel kum 21 mi Hoffenheim leh Germany forward Maximilian Beier lak tumin an ngaihven thar ve leh. (Sky Sport Germany)