Iran court chuan rapper Toomaj Salehi laka thi tura chungthu rawl tawh chu hnawlin, a thubuai chhui tha leh turin thutlukna a siam.
Iran Supreme Court hian Toomaj chunga hremna rapthlak ber thlen tir thu hi chhui chiang tha leh turin a hriattir.
Kum 2022 a sorkar laka lungawi lohna lantir a, nawrna nasa tak thleng khan Iran ram a nghawr nghing na hle a, khami tum khan rapper pawh hi langsar taka che in, a hnu-ah man a ni.
Kumin April thla khan a chungthu ngaihtuahna kal zelah thi tur hrem a nih tur thu hi puan a ni a, thubuai lian tak tak pathum nen hlinin a awm.
Rapper Salehi lawyer Amir Raisian chuan, “Salehi thi tura hremna hi sut leh a ni a, thubuai chhui tha leh turin Supreme Court-in thupek a chhuah,” a ti.