Nimin khan Mizoram State Planning Board chuan inhmuhkhawmna hun pawimawh tak neiin hun an hmang a. He thutkhawmnaah hian Sawrkar in a a ngaihpawimawh tak Zau Policy chungchanga hmalak dan tur te sawiho a nih hnu in, District Development Committee tana Concept paper siam chungchang te sawiho a ni.
He inhmuhkhawmna hi Dr Kenneth Chawngliana, Vice-Chairman, Mizoram State Planning Board in kaihruaiin mi pawimawh tak tak, Lalmalsawma Pachuau, Secretary, Planning & Programme Implementation Department leh Dr K.C.Lalmalsawmzauva, Vice-Chairman, Mizoram State Policy Coordination Board te leh Mizoram State Planning Board member te an tel.
He thutkhawm pawimawh in a tum ber chu Zau Project kaltlanga ram chhunga Lo neitute hmasawnna leh intodelhna kawnga theihtawpa hmalakpui hi a ni. He policy tihhlawhtlin na atana an hmalakdan tur leh an ruahmanna te sawiho a ni a. Tin, District Development Committee tan concept paper siam a tha an tih thu an sawi bawk a ni.
He thutkhawmna a awm te hian District-level planning & development chu ramri a chengte mamawh phuhrukna leh hmasawnna kawnga theihtawpa hmalakpui tha an tih thu an sawi bawk.
He thutkawmah hian Sawrkar Department hrang hranga mi pawimawh tak tak te telin an ngaidan te leh hmuhdan te sawihona hun an hmang a. Heng Department hrang hrang, Rural Development Department, Fisheries Department, Environment,Forest & Climate Change Department, Agriculture Department, Horticulture Department, Irrigation & Water Resources Department, Local Administration Department, Animal Husbandry Veterinary Department atang te leh State Institute of Rural Development and Panchayati Raj atanga mi pawimawh tak tak te an tel thei bawk a ni.