- Kanan Lalhlimawma
Hmanni chu tum lawk awm lem lo in “Thlantui far” lehkhabu tlangzarhnaah hawkdak vangin kan daklut ve leh nawlh pek a, he hun hmang tur hian Pu Tetea Hmar Minister sports chu Scooty in MZP office a rawn kal a, Lehkhabu tlangzarh tih takah ziakmi leh Media lam mi an kal tha hle mai.
He hun ka hmang ve hi lawmawm ka ti in hlawk thlak ka ti hle mai. Lehkhabu tlangzarhna tu Pu Tetea thusawi chuan ka rilru a hneh hle mai “Politics, Sports, sumdawnna, kuthnathawtu leh kan nun ho na hrim hrim ah hian Thlantui far lo zawk ten hlawtlinna an chang zawk emaw tih tura kan awm ta tlat mai te hi in enchian a hun ta ti zawng in a lehkhbu tlangzar zawh chuan thusawi tawi a nei zui a, ka ngaihtuahna a kal thui hle mai.
Ni e, kan ram nunphung leh khawsak dan han thlir hian a dik in ril ka ti hle a, kan thil thlir dan leh kan mindset hian tlantui far lo zawng a hlawtlinna chan kan tun zel mai hi zawng he kan mizo hnam hi tuchhuan thui tak a ti kal thei dawn lo a hriatna ka nei fo thin. Keini chu Kuhva Farmers kan ni a, kan theihna zawng zawng kan chakna zawng zawng leh kan dam chhung hun chu Kuhva huan a hmang turin kan rilru kan lo siam tawh a, amaherawh chu kan hriat angin tunah chuan chu Thlantui Far chunga hlawtlinna hmuh kan tum mek lai chuan, kan tunlai boruak Kuhva Smuggling sumdawnna thlantui far lo zawng a hlawtlinna chan tum te chuan keini Kuhva Chingtu te chu India market ah min rapbet zo ta chu a nih hi.
Kan hriat theuh angin Kuhva Chingtu te chuan tun thlengin Thlantui far chungin Kuhva huan kan enkawla, chutiang bawk in Kuhva Smuggling do in zanmu kan chhing hman hek lo, kan chanvo min humhim sak turin kum 3 chhung teh meuh Mizoram sorkar kan ngen a, amaherawh chu kan tun dinhmun erawh kan hria. Kan Khuva te hi Mizoram ah hralh vek kan tum lo a, hralh vek pawh duh mah ila hralh vek tlak a ni hek lo. Kan Kuhva te hi vai hnen ah Kan hralh a, arah hmin aiin a hel hi alet thum ai tam hi vai hnen ah hian kan hralh thin a ni. A chhan chu Mizoram ah kan Kuhva thar te hi hralh vek tlak a ni lo a, a hmin vek a zuah theih pawh a ni hek lo a, Mizoram chhung a hralh tur chuan, Kuhva pum lian tha leh nget lo leh Chang tha chiah hralh theih a ni. “In Kuhva thar te chu Mizoram ah hralh mai Ula, in ti to, vai hnen ah in hralh a vai ho in Scope ah an siam a mizoram ah an rawn hralh leh” ti tawk pawh mi tam tak in awm thil nihna tak in hriat loh vang zawk a ni.
Kan Kuhva thar te hi Mizoram a hralh tlak tur chuan First class a pum lian leh hmin tha chiah hralh theih a ni a, chuti a nih chuan Mizoram a hralh tur chuan Kan thar hmun sawm a then a hmun khat vel chiah Mizoram a hralh tlak a ni si a, a hel leh a pumte a nget te hi khawi ah nge kan hralh tak ang tih ka zawt a che u? Mizoram ah hralh vek dawn ila Kuhva chin hi thlai chin zawng zawng a hlawklo ber a ni bawk ang.
Kan Kuhva te hi Vai hnen ah Kan hralh hian an ni in India ram hmun hrang hrang ah zuar chhawng in, a hring leh a nget te pawh India ram ah Kuhva market a that avangin a ro in an hralh chhawng leh thin zawk a ni. Foreign Kuhva Smuggling hian tun hnai ah India market a luah khah hneh em avang a kan Kuhva te hi hralh thei ta lo mai zawk chauh kan ni. Kan Kuhva market hi India market tho a ni a, Foreign Kuhva Smuggling market pawh India ram tho a ni, a hralhna hmun leh a zawrna hmun hi hmun khat a ni. Mizo lehkhathiam tam na state ni si hawiher Changkang ve fu fu in India market system leh India dan in a ram chhung farmers te a humhalh duh avanga dan a lo siam foreign Kuhva lakluh alo khap chhan hrefiah thiam lo Sikul chhe chhuak Zoram ah hian an va lo tam em, Kei ka ngaihdan chuan lo tih lo tih ve tur pawh kan nilo, India ram Farmers te hum hralh na dan siamtu te hi India Mithiam chungchuang an ni tih te hi hre ve ta hlawm ila, helai a ngaihdan lungmawl tak tak lo sawi ve fo hi thil zahthlak tak a ni. Ngaihdan sawi ve chak tlat kan awm a nih pawh in Parliament House lam ah Kuhva Smuggling in india farmers te a ti chhe lo a nih chuan zuk sawi mai sela a tha awm e.
Nang Mizo Kuhva chingtu India farmers lam ah nge i tan dawn, Thlantui far lo a dan lo a Sumdawng Kuhva Smugglers te lam ah, Khawi ram leh hnam mah in Ramchhung Farmers te tichhe zawng a sumdawnna kalpui an awm ngai lo, Bangladesh ho pawh an ching ngailo a nia, keini Mizo Christian te hian enge kan ngaihdan ni ve le..