Chelsea chuan Newcastle leh Sweden striker Alexander Isak an thlithlai a. Kum 24 mi hi an la dawn a nih chuan £115m chuang zet an sen a ngai dawn thung. (Mail), external
Newcastle chuan Isak hi chhuahtir an hreh hle mai a. EPL club bakah Germany leh Saudi Arabia atanga ngaihventu nei England striker Callum Wilson hralh an duh zawk. (Teamtalk)
Bayern Munich chuan Fulham atanga Portugal midfielder Joao Palhinha an lak theih hmel tak loh vangin Everton atangin Belgium midfielder Amadou Onana lak an rilruk. (Liverpool Echo)
Barcelona chuan Manchester City leh Argentina striker Julian Alvarez lak tumin an ngaihven. (Sport – in Spanish)
Saudi Arabia’s Public Investment Fund, Saudi Pro League club neitu te chuan Arsenal leh Ghana midfielder Thomas Partey an dawr. (Caught Offside)
Atalanta chuan £10m tawktarhin Everton defender Ben Godfrey an dawr a. Kum 26 mi hi hming tar lan loh club in £15m tawktarhin an dawr ve bawk. (Athletic – subscription required)
Manchester United chuan sum tuak nan an khelmual Old Trafford hming hralh an rilruk. (Athletic – subscription required)
Everton chuan chawlhkar tharah Leicester City a contract hmang zo mai tur Nigeria midfielder Wilfried Ndidi chu free transfer in an la lut thei tep tawh. (Football Insider)
An khelh mekna club leh Lyon ten man leh mualah £40m in inremna lo nei tawh bawk mah se Newcastle forward Yankuba Minteh chuan Lyon zawm a duh lo va, a hnar. (Sun)
Brighton chuan kum 21 mi Inter Miami leh Paraguay midfielder Diego Gomez an ngaihven. (Talksport)
Crystal Palace chuan kum 18 mi Sunderland leh English midfielder Jobe Bellingham lak tumin hma an la. (Fabrizio Romano)
Ipswich leh Hull City te chu kum 23 mi English defender Jacob Greaves chungchangah an indawr. (Athletic – subscription required)
Manchester United chuan Paris St-Germain pana chhuak tur si nghak Mary Earps hmunruak luahtu atan kum 23 mi Bayern Munich goalkeeper Maria Luisa Grohs lak tumin an dawr. (Florian Plettenberg)
Saudi side Al-Hilal chuan Argentina tan Copa America khela fehchhuak mek Manchester United winger Alejandro Garnacho lak an tum teh tlat. (Express)
Stuttgart striker Serhou Guirassy chuan Borussia Dortmund pan a tum vangin lak tuma heltu Arsenal chuan an chan loh hmel ta hle. (Metro)
Basketball great Shaquille O’Neal chuan West Ham United-ah chanvo lei tumin hma a la. (Sun)