A thawm a reh a, inlan hun a neih meuh chuan khawvelin mit tla lek lekin a thlir leh thin. Chu chu Katy Perry a ni a, feet 500 a seti a kawr fual inpharh zar mai chuan Paris fashion show hrang hrang a luah.
Heti anga dress buaipui tur hian hun tam a mamawh dawn a, ngaihtuahna nasa tak sen a ngai ang, tih a chiang reng. Tlema thawm a nei lo pawh hi heng vangte pawh hi a ni mai thei a sin.
Vogue World: Paris neih chhoh mekah Katy Perry inlan dan leh dress chuan sawizui a hlawh a, Noir Kei Ninomiya kutchhuak nena inbel in, fashion khawvel a barakhaih nasa hle.
A kawr fual inphah ah hian hla thu a inzep nalh hle bawk a, a hla thar ni ngei tur a ni. ‘Hei hi hmeichhia te khawvel a ni a, i lo awm ve ngawt mai pawh hi vannei inti hle mai rawh’ tih inziak chhiar tur a awm.