Paris St-Germain chuan Manchester United forward Marcus Rashford lak dan an ngaihtuah dawn a. Kum 25 mi hian an hnen zawm a chak tih hria a, a tiphur thei a nih chuan PSG hian lak tumin hma an la chhunzwm nghal ang. (Talksport), external
Manchester City chuan Bayern Munich in lak an tum Crystal Palace forward Michael Olise lak khalh an tumna an hlawhtling zo lo. (Football Insider)
Chelsea chuan Nottingham Forest defender Murillo lak an duh. City Ground lam hian Murillo manah £70m an chhiar a. Blues hian sum fai bakah English centre-back Trevoh Chalobah pek tel an phal. (Guardian)
Chelsea chuan English midfielder Kiernan Dewsbury-Hall chungchangah Leicester City an bia. Kum 25 hian Foxes a chhuahsan dawn chuan Blues chauh a zawm duh niin hriat a ni. (Athletic – subscription required)
Brighton pawhin Leicester City atangin Dewsbury-Hall hi lak an duh a, a manah sum fai an pek bakah Poland midfielder Jakub Moder pek tel an huam bawk. (Fabrizio Romano)
Brentford pawhin Dewsbury-Hall hi an ngaihven ve bawk a. EPL club hrang hrangin an ngaihven Dewsbury-Hall manah hian Leicester City chuan £40m an chhiar. (Mail)
Chelsea chuan Tottenham in lak tuma an ngaihven mek English midfielder Archie Gray chu Leeds United atanga lak tumin an ngaihven ve bawk. (Telegraph – subscription required)
Chelsea chu Barcelona atanga chhuak ta England defender Lucy Bronze lak tum zual zingah an tel tih tarlan a ni. (Guardian)
America’s National Women’s Soccer League club te pawhin Bronze hi lak tumin an ngaihven ve hlawm bawk. (ESPN)
Juventus, Lazio, Napoli, Valencia leh Benfica te nen sawi zawm hlawh bawk mah se Manchester United English forward Mason Greenwood chuan Marseille zawm a thlang ta zawk. (Athletic – subscription required)
Tottenham in £20m tawktarha English midfielder Jacob Ramsey lei an dilna chu Aston Villa in an hnar. Spurs hian Ramsey manah Argentina midfielder Giovani lo Celso pek tel phal bawk mah se Villa an hmin thei chuang lo. (Times – subscription required)
Napoli chuan Euro 2024 a khel tha tak Georgia winger Khvicha Kvaratskhelia chu hralh tumna an nei lo. Serie A club president Aurelio de Laurentiis chuan kum 23 mi Kvaratskhelia agent hmuin, contract thar chungchang a sawipui thuai dawn. (Fabrizio Romano)
Chelsea striker Romelu Lukaku chu AC Milan leh Napoli te nen indawr turin a inpeih. Belgium tan Euro khela fehchhuak mek Luka hi £25m vel bawrin a lak theih ang. (La Gazetta dello Sport via Football Italia)l
Arsenal midfielder Albert Sambi Lokonga leh Sevilla te chuan mimal inremna an nei thei tawh a. Spanish club hian 2024-25 season tan Lokonga hi loan in an hawh ang. (Penalty, via Football London)
Arsenal chuan Espanyol si nghak Joan Garcia chu lak fel thuai an tum a. kum 23 mi Spanish goalkeeper hi nipui bazara an player lak luh hmasak ber a ni ang. (Mirror)
Tottenham leh West Ham te chu kum 22 mi Hull City atanga English winger Jaden Philogene lak tumin an inel. (Football Insider)
Manchester United striker hlui Ruud van Nistelrooy leh Go Ahead Eagles coach Rene Hake te chu Erik ten Hag-a backroom staff-ah tel turin sawm an ni. (Telegraph – subscription required)