Nimina Hnam Run chhung inkhawmah Lalchhandama Ralte, MLA, Leader of Opposition leh MNF Vice President ni bawk chuan thusawiin, Covid hripui avanga Central atanga kan sum hmuh tur Vbc.2300 chuang hmuh loh a nih thu te, 15th Finance Commission atanga sum hmuh tur Vbc.567 hmuh loh a nih thute, hemi avanga harsatna namenlo kan sawrkar kal tawhin a tawh thu kan sawi laia, khatih laia harsatna awm lo leh hlawkpui zawk anga min puhtu ZPM ten harsatna a takin an hmu ta in, vawiina kan CM hian langsar takin a pholang ta ni, a ti. Ni 23.6.2024 khan Central Finance Minister hnenah kan sum harsatna tawh chu a tak a nih thu sawiin, pui turin a zuk thlen a ni, a ti a.
Thenawm ram leh state atangin, Raltlan sing chuangin min chenchilh avanga harsatna kan tawh tam tak pawh hre duh lo lui tlattu ZPM te chu vawiinah a taka tawngtu niin, kan unaute thlavang hauh aiin, anmahni avanga harsatna tam tak thleng tiin, chhuanlam a zuk siam ta a. Central-ah pûr zuk chaw in, Sawrkar harsatna tawh nasat zia chu vawiina kan CM hian a rawn pholang ta a ni, a ti bawk.
Chhantea chuan, kan sawrkarin khaw tam tak harsatna chhawk zangkhai nan leh Zirtirtu tam tak pension hnaih tawh te sawhnghehna tura, School tam tak dinhmun thaa hlankai a nih chungchangah, dan lova kal anga min puhtute hian Sawrkarna an la chelh ngai loh avangin thil awmzia an hrelo a ni. Tehna felfai tak hmangin Cabinet thutlukna anga Policy siam tihlawhtling turin Recruitment Rules duan mek a ni a. April 2024 a peih fel hman tum chu an zawh hman loh avangin kan sawrkar sa kahthluk tawh chu a kapthlutu zawk nih tumin an Cancel a. Sawrkar hmasa thutlukna District thar chhawm nun leh tih changtlun thlengin, Democracy Sawrkar kan nihna keng nungin harsatna tamtak lo sutkuak a ni tawh a. Sawrkar hmasa thil tih sut leh burh a an kal hi Democracy zahlohna a ni, a ti a, arang thei ang berin heng school tam takte upgrade na order hi chhuah turin kan sawrkar hi ka ngen a ni, a ti bawk.
TC. Kaphmingthanga, Gen. Secretary hnen atangin AMC WARD XIX By Election neih zawh tak chanchin leh LT Kima, General Secretary, hnen atangin MADC leh LADC a By Election neih zawh tak chanchin report an ngaihthla bawk.
MNF chhung inkhawm hi R. Thanglura, Dy. Mayor AMC & Adviser, MNF chuan a kaihruai a ni.