Liverpool, Arsenal, Chelsea leh West Ham te chuan Euro 2024-ah Italy tan mit la taka inlan defender Riccardo Calafiori an ngaihven hlawm. Kum 22 mi hi Bologna atanga la chhuak turin £40m chuan an sen a ngai dawn thung. (Express), external
Barcelona chuan Athletico Bilbao atangin Euro 2024-ah Spain tan mit la taka inlan Nico Williams lak tum bawk mah se Williams chet dan hian Barcelona director thenkhat a la hmin thei rih lo. (Sport – in Spanish)
Brighton in lak an tum, medical test pawh an neihtir hman tawh leh man leh mualah pawh Leicester City nen inremna an nuihpui hial tawh midfielder Kiernan Dewsbury-Hall chu Chelsea in an lak khalh leh daih dawn a. He thil thleng hian Brighton a tilawm lo hle a, thinrim teuhin Foxes an kalsan. (Telegraph – subscription required)
Leicester hian Chelsea atanga kum 18 mi midfielder Michael Golding la turin inremna an neihpui thei tep tawh. (The Athletic – subscription required)
Newcastle chuan Nottingham Forest goalkeeper Odysseas Vlachodimos lak tumin an dawr a. Vlachodimos man atan hian kum 21 mi Scotland midfielder Elliot Anderson pek tel an phal. (Daily Mail)
Manchester United hian hun rei tak chhung lo ngaihven tawh mah se Barcelona defender Ronald Araujo lak tumin an dawr hmel loh. (Football Transfers)
Newcastle boss Eddie Howe chuan club thuneitute nen an inbiaknaah Chelsea in lak tuma an ngaihven Sweden striker Alexander Isak chu sum tuak nana hmang lo turin a hrilh tlang rawng. (Fabrizio Romano via Teamtalk)
Tottenham chuan South Korea forward Son Heung-mincontract kum 2026 thleng pawh sei theihna an neih chu hman ngei an tum. (Football Insider)