Self Help Group hnen a loan pek chhuah tih chingpen thubuaia thiamloh chantir tak Lalkhomang Guite leh Gary T. Haokip te chu kum 4 jail tang tur leh Rs nuai 10 ve ve chawi turin hrem an ni.
Aizawl district Court-a, special judge (Prevention of corruption act) Dr HTC Lalrinchhana chuan Thawhtanni khan eiruk avanga thiam loh chantir te hremna chu a puang a, State Bank of India, Mission Veng Branch-a Branch Manager ni thin Lalkhomang Guite leh Sacred Heart Society neitu Gary T. Haokip te chu kum 4 chhung jail tang tur leh cheng nuai 10 chawi turin ahrem a, pawisa an chawi tur hi an pe thei lo anih chuan kum 2 chhung jail an tan belh dawn a ni.
Eiruk thubuai ngaihtuahtu Court chuan Lalkhomang Guite, Churachandpur Manipur leh Gary T. Haokip, Aizawl Republic Mual Veng-te hi self Help Group hrang hrang hminga loan an pek chhuah atanga sum eiru ah leh atak awm lo, Self Help Group hminga loan la ah puh an ni a, he thubuai hi CBI in chhuiin, sum hi an khawih chingpen ngei tih finfiah ani a, court chuan thiam loh chantir in Thawhtanni ah hrem annihna hi a puang leh ta a ni.