BJP Mizoram chuan nimin zing a Aizawl hmun thenkhat a khuarel chhiatna avanga nunna hlu tak chan te leh chenna in leh lo chan te an tawrhpui in pawi an titak zet tih thuchhuah siamin an tarlang.
BJP Mizoram chuan Kumin chhungin ruahsur avangin chhiatna hrang hrang Mizoram ah kan tawk a, a bikin Aizawl leh a chheh vel ah in leh lo chan tam tak kan awm a, chu mai ni lovin mihring nunna hlu tak chan kan awm zel hi a pawi kan ti tak zet zet a ni. Mizoram Sorkar in chhiat tawk te leh nunna chan tanpuina a pek theih ang ang rang taka pe a, batsak tawh lo turin kan ngen a, khuarel chhiatna hi Politics a thangthat lak nan a, tu Party mahin hman tum lovin, Mizo kan nih anga kan tih tur te ti theuh zawk turin kan in ngen a, Sorkar in Vaibelchhe 15 lai khuarel chhiatna atana a dah chu ataka hmang tur leh chhiat tawk mangang taka awm te beiseina ti bo lova, hmang nghal mai turin BJP Mizoram chuan kan phut a ni, an ti.
BJP Mizoram State General Secretary leh hruaitu dang ten chhiatna thlenna hmun hrang hrang tlawh kualin Silpoulin khawtlang hruaitu te hnen ah an hlan bawk.